Útskriftarsýning LHÍ: Leiðsögn um garðinn - Agnes Ársælsdóttir

Vinsamlegast gangið á grasinu og gætið hvert þið stigið

Agnes Ársælsdóttir úr myndlistardeild verður með leiðsögn um garðinn umhverfis Kjarvalsstaði alla daga á meðan á sýningunni stendur. Gangan tekur um hálftíma.

Stígðu út úr Kjarvalsstöðum að sunnanverðu; við þér blasir Klambratún og allir þeir kynlegu kvistir sem þar vaxa.
Boðið verður upp á leiðsögn um garðinn þar sem gestir fá að kynnast íbúum hans af trjá- og plöntuætt á persónuleganhátt.
Þeim verður boðið að setja sig í spor birkitrjáa, kanna heimkynni túngrasa og heyra sögur af fjölbreyttu samlífi lággróðurs og trjágróðurs.
Þeir sem missa af leiðsögninni eru hvattir til að fara í skoðunarferð upp á eigin spýtur.
Munið bara að ganga á grasinu og gæta hvert þið stígið.