Harro

Harro Koskinen skiptir miklu máli í sögu nútímalistar á Norðurlöndum vegna þess að hann fór snemma að nota popplist sem róttækt form samfélagsgagnrýni. Harro fæddist árið 1945 í Turku í Finnlandi og fór að sýna list sína árið 1967. Hann var virkur þáttakandi í neðanjarðarmenningu þess tíma og myndskreytti og skrifaði fyrir róttækar útgáfur. Þessi sýning snýst um það tímabil og getur að líta mörg þekktustu verk hans frá 1968 til 1972, ásamt nokkrum nýrri verkum.

List Harros heldur áfram að valda umræðum, örva rannsóknir og vera listamönnum og menningargagnrýnendum hvati. Tilgangur þessarar sýningar er ekki aðeins að kynna nafntogaðan norrænan listamann fyrir íslenskum áhorfendum heldur einnig að stuðla að skoðanaskiptum um gagnrýnu skilaboðin í list hans. Sláandi einföld og hreinskilin gagnrýni Harros á finnskan lífsmáta fyrir 30 til 35 árum flyst léttilega yfir landamæri og tímaskeið. Spurninganna sem hann vekur má allt eins spyrja um íslenskt þjóðfélag til þess að skoða okkar eigið gildismat og lífsmáta.

Sýningin er sett upp í samvinnu við Listasafnið í Turku.