D7 Ingirafn Steinarsson

Ingirafn Steinarsson (fæddur 1973) er heillaður af virkni hlutanna og afleiðingum hennar. Hann tilheyrir kynslóð myndlistarmanna sem velur að gera óheftar tilraunir með leiðir til að opinbera hugsanir sínar og hugmyndir. Oft hlutgerast þessar hugmyndir í áþreifanleg form með fleiri en einn möguleika.

Fagurfræði virkni, go go froða veitir innsýn í samanlögð áhugamál Ingarafns sem listamanns. Hann nálgast verk sín af skarpskyggni líkt og verkfræðingur, hagleiksmaður, vísindamaður og sá sem veitir mannlegri hegðun athygli. Á námsárum sínum dróst Ingirafn að hugmyndinni um “fagurfræði virkninnar” og hefur síðan þá fengist við að rannsaka þá hugmynd frekar.

Teikning hans af þyrpingu töfrandi lífrænna forma, sem dregin eru af líffræðilegum og stærðfræðilegum byggingaformúlum, er vandvirknislega unnin líkt og verkfræðileg teikning fyrir vél. Myndbandsverkið, sem tekið er á sjálfsprottinn hátt, sýnir listamanninn “vefengja” skilning nokkurra hústökumanna í Osló á frelsishugtakinu með því að slá eign sinni á hluta af byggingu þeirra. Innsetningin með froðuvélunum er ásinn sem hugmyndafræði Ingarafns snýst um og tengir teikninguna og myndbandið sjónrænt. 

Ingirafn útskrifaðist með mastersgráðu frá Listaháskólanum í Malmö, Svíþjóð árið 2005 eftir nám Listaháskólanum í Vín, Austurríki árið 2003 og Myndlista- og handíðaskóla Íslands 1996-1999. Hann hefur sýnt verk sín á Íslandi síðan 1998 og einnig tekið þátt í sýningum í nokkrum borgum Evrópu og Bandaríkjanna.