Daði Guðbjörnsson: Á slóðum Ódysseifs

Í nýjum málverkum sínum sækir Daði efnivið í gríska söguljóðið Ódysseifskviðu. Ljóðið fjallar um heimför grísku hetjunnar Ódysseifs eftir lok Trójustríðsins og þær hremmingar sem hann lenti í. Hér hittum við fyrir skáldafák og einhyrninga ásamt sírenum, Medúsu, Venusi, Parísi og hinni rósfingruðu morgunngyðju. En þó táknmyndir Daða eigi sér beina tilvísun í kviðu Hómers er hér ekki um myndskreytingu að ræða, heldur persónulega hugleiðingu um tálsýnir lífsins. Með óhefðbundnu myndmáli tengir Daði hrakningasögu Ódysseifs austrænni speki og andlegri leit sálarinnar. Sjálfur hefur hann lýst verkunum sem „...tilraun til að beisla ljósið og þann síkvika mátt sköpunarkraftsins sem  birtist og hverfur manni úr greipum jafnharðan.“ Þau eru eins og hann bætir við „...einskonar Ódysseifskviða málaralistarinnar á 21. öldinni.” 

Auk þessa myndabálks má sjá úrval eldri verk eftir Daða í suðurhluta salarins.