D19 Hulda Rós Guðnadóttir

Sýning Huldu Rósar Guðnadóttur (1973) í D-salnum nefnist  Hops Hopsi og samanstendur af tíu rása myndbandsinnsetningu sem hún gerði árið 2010. Titilinn er fenginn að láni frá tveimur trúðum sem voru helstu gleðigjafar í skemmtigarðinum Spreepark í austur Berlín áður en starfsemi hans lagðist af um síðustu aldamót.

Hulda Rós hefur sýnt kvikmyndaverk sín, gjörninga og innsetningar frá árinu 2004. Hún er með meistaragráðu í gagnvirkri hönnun frá Middlesex University í London, B.A. í myndlist frá LHÍ og B.A. í mannfræði frá HÍ. Hulda Rós býr og starfar í Reykjavík og Berlín.