Hafsteinn Austmann

Á sýningunni eru myndverk eftir Hafstein Austmann. Hafsteinn Austmann hefur verið óvenju staðfastur í sinni myndlist allt frá því að hann kom fyrst inn í íslenskan myndlistarvettvang á sjötta áratugnum og ætíð haft það að markmiði að skapa málverk sem virka eins og óræð og opin ljóð og hafa burði til þess að lifa sjálfstæðu lífi. Þróun mynda hans, bæði í olíulitum og ekki síður í vatnslitamyndum, hefur allt frá fyrstu tíð borið þessari hugsun fagurt vitni. Hafsteinn hefur ræktað þann flöt í nær hálfa öld og verk hans notið vaxandi athygli allan þann tíma.