Karólína Lárusdóttir

Á sýningunni eru 86 olíumálverk og vatnslitamyndir unnar á árunum1985-1986 eftir Karólínu Lárusdóttur. Þessi nýjustu myndverk eru ánægjuleg upplifun þeim sem fylgst hafa náið með þróun Karólínu Lárusdóttur sem listakonu. Karólína grefur upp úr æskuminningum sínum myndir sem eru mjög kraftmiklar en um leið þrungnar óvenjulegri ljóðrænu. Þessi verk gætu ekki átt rætur að rekja til annars staðar eða annarrar manneskju. Þau eru mergur persónuleika hennar og sem slík sannarlega einstök.