Listaháskóli Íslands - Útskriftarsýning 2009

Samvinnuverkefni Listasafns Reykjavíkur og Listaháskóla Íslands þar sem útskriftarnemendur úr myndlistar-, hönnunar- og byggingarlistardeild skólans sýna lokaverkefni sín. Verk nemenda á sýningunni eru afrakstur þriggja ára náms við Listaháskólann þar sem markmiðið hefur verið að skapa nemendum aðstöðu til að mennta sig sem listamenn og gera þá reiðubúna að takast á við víðtæk viðfangsefni á skapandi og gagnrýnan hátt með forvitni, áræði og framsækni að leiðarljósi.