Myndlistin þeirra: Hlutverkasetur

Á sýningunni Myndlistin okkar er kubbur þar sem settar er upp smásýningar undir heitinu Myndlistin þeirra.

Þar býður safnið samstarfsaðilum sínum og fastagestum gegnum árin að velja saman verk úr safneign Listasafns Reykjavíkur eftir eigin höfði. 

Hlutverkasetur hefur um langt skeið verið í samstarfi við Listasafn Reykjavíkur og sótt safnið og sýningarnar með reglubundnum heimsóknum. Nú er komið að þeim að velja inn verk á sýningu og verður forvitnilegt að sjá hvaða verk verða valin í kubbinn.

Gestasýningarstjórar í heild sinni eru Klambrar bistro, Bræðurnir Baldursson, Hlutverkasetur, Íslenski dansflokkurinn og nemendur í Víkurskóla. 

Smásýningarnar standa aðeins rúma viku í senn og dreifast yfir sýningartímabilið.