Safnverur

Á afmælisári safnsins hefur sjónum verið beint að safneigninni með ýmsum hætti. Við fengum til liðs við okkur listamanninn Hildigunni Birgisdóttur sem hún hefur unnið upp úr tölfræði aðfanga í safneign Listasafns Reykjavíkur á árunum 1973-2023. 

Eftir dágóða yfirlegu og rýni hefur Hildigunnur nú dregið fram viss sjónarhorn sem hún hlutgerir, vekur til lífsins og setur fram á listrænan hátt í formi safnvera. 

Hver vera táknar verkin sem komu í safnið á hverju ári fyrir sig og er afraksturinn því rúmlega 50 safnverur – ein fyrir hvert ár og ákvarðast lögun þeirra útfrá ýmsum tölfræðilegum upplýsingum, t.d. fjölda nýrra verka, kynjahlutfall listamanna og efnissamsetning verka.  Að auki urðu til sérstakar safnverur fyrir verk Errós, Kjarvals, Ásmundar og Alfreðs Flóka, sem helgast af því að skráð verk þessara einstaklingssafna eru óvenju mörg í samanburði við heildarsafneign.

Safnverurnar eru nú til sýnis í Hafnarhúsi og á Kjarvalsstöðum og munu verða sýnilegar á samfélagsmiðlum okkar.

Tölfræði og úrvinnsla: Hildigunnur Birgisdóttir 

Þrívíddarhönnun: Quad Studio

Grafísk hönnun og klipping: Ármann Agnarsson og Árni Þór Árnason