Ekki brotlent enn – gjörningur

Næstkomandi mánudaga og föstudaga kl. 14.30-15.00 og 15.20-15.50 mun fara fram gjörningur sem er hluti af sýningu Andreas Brunner Ekki brotlent enn. Tímasetningin er ekki úr lausu lofti gripin en samkvæmt Google eru flestir gestir inni í Listasafni Reykjavíkur á þessum tíma og því valdi Brunner þann tíma.

Gjörningurinn felur í sér að tveir aðilar mála súlu í salnum hvor í sínum lit. Málararnir, sem færa sig rangsælis um súluna, sjá ekki hvorn annan og munu því í sífellu mála yfir hvor hjá öðrum. Hringrásin verður endalaus svo lengi sem  sýningin er opin.

Aðgöngumiði á safnið gildir. Listasafn Reykjavíkur fer eftir tilmælum um fjöldatakmarkanir inn í safnið og tveggja metra fjarlægðarreglan gildir.