Fjölskyldudagskrá í Ásmundarsafni á sunnudögum

Fjölskyldudagskrá í Ásmundarsafni á sunnudögum í sumar. Safnkennarar leiða börn og fjölskyldur þeirra í gegnum listsköpun í skapandi umhverfi Ásmundarsafns á sýningunni Leikum og lærum: Ásmundur fyrir fjölskyldur.

Við hvetjum gesti til að hafa nesti meðferðis og snæða í garðinum umhverfis safnið - ef veður leyfir. Hægt er að fá að láni teppi til lautarferðar og boðið er upp á heita drykki. 

Aðgöngumiði á safnið gildir, frítt fyrir börn. 

Í samræmi við tilmæli heilbrigðisyfirvalda munum við tryggja að ekki séu fleiri en 100 gestir í húsinu og minnum gesti á að gæta tveggja metra fjarlægðar. Eins og áður leggjum við sérstaka áherslu á að snertifletir séu sótthreinsaðir reglulega, auk þess sem gott aðgengi er bæði að handspritti og handlaugum.