Keramiksmiðja í Ásmundarsafni

Leikum að list! Fyrsta sunnudag hvers mánaðar.

Í keramiksmiðjunni fá þátttakendur að kynnast eiginleikum og töfrum náttúruleirs undir handleiðslu listamannsins Adriönnu Stanczak. Smiðjan hentar börnum á öllum aldri og verkefnin miða við aldur og getu hvers og eins.

Leikum að list er yfirskrift fjölskyldudagskrár Listasafns Reykjavíkur. Þar eru börn sérstaklega boðin velkomin í safnið ásamt foreldrum sínum til þess að skoða og upplifa myndlist í gegnum leiki og skemmtilegar umræður.

Dagskráin er miðuð að því að börn komi í fylgd fullorðinna og að heimsóknin sé þannig skemmtileg og skapandi samvera milli kynslóða.