Leiðsögn sýningarstjóra: Hendi næst

Becky Forsythe sýningarstjóri verður með leiðsögn um sýninguna Hendi næst sunnudaginn 10. mars kl. 14.00 í Ásmundarsafni.

Á þessari samsýningu mætast verk Ásmundar Sveinssonar (1893-1982) og samtímalistamanna sem skapa myndverk með eigin höndum og nýta rótgrónar handverkshefðir við listsköpun sína. Sýningin endurspeglar vaxandi áhuga samtímalistamanna sem og áhorfenda á handverki en jafnframt verður horft til baka til þess að gera grein fyrir því hvernig arfleifð Ásmundar Sveinssonar endurómar í framúrstefnulegri tjáningu samtímans.