ÓraVídd: Leiðsögn Sigurðar Árna

Það er fullbókað á þennan viðburð miðað við þær fjöldatakmarkanir sem nú eru í gildi.

Leiðsögn Sigurðar Árna um sýninguna ÓraVídd á Kjarvalsstöðum.

Sigurður Árni Sigurðsson á að baki áhugaverðan listferil og hefur hann útfært verk sín með fjölbreyttum hætti. Hann hefur alla tíð spunnið stef við málverkið og tekist á við eiginleika þess miðils. Verk hans fjalla um það hvernig við horfum á heiminn í kringum okkur, þau vekja spurningar um eðli og takmörk sjónsviðsins og hvernig það leggur grunn að heimsmynd okkar. Þar kallast á bæði það sem sést með berum augum og einnig það sem við sjáum ekki.