Róf: Afsteypur – gjörningadagskrá

Á yfirlitssýningu Haraldar Jónssonar, Róf, má finna úrval verka frá öllum hans ferli síðustu þrjá áratugi. Hann hefur unnið í ólíka miðla og ómissandi hluti af verkum hans eru gjörningar. Rétt eins og í öðrum verkum fæst Haraldur í gjörningunum við eimingu tilverunniar. Hann skoðar hvernig við greinum umhverfi okkar, vinnum úr upplifun, tjáum okkur og eigum í samskiptum hvert við annað. Hver eru tengsl manns og rýmis, vitundar og umhverfis? 

Gjörningadagskráin Afsteypur er þríþætt þar sem hverju sinni eru fluttir valdir gjörningar af ferli listamannsins ásamt frumflutningi á nýju verki. Dagskráin er á Kjarvalsstöðum laugardagana 17. nóv., 8. des. og 12. jan. og hefst undir lok almenns opnunartíma safnsins kl 17.00.

Aðgöngumiði á safnið gildir.