Sumarnámskeið: Skúlptúrgerð fyrir 6-9 ára

Hvað er skúlptúr? Fimm daga námskeið sem fer fram í ævintýralegu umhverfi Ásmundarsafns.

Nemendur fá að kynnast ólikum efnivið við listsköpun, þar sem steypa og smíðavinna kemur við sögu, og byggja sitt eigið listaverk. Nemendur fá leiðsögn í muninum á tví- og þrívídd, hvernig mismunandi sjónarhorn geta skipt sköpum og fræðast um það ótrúlega efnisúrval sem heimurinn hefur upp á að bjóða til listsköpunar.

Námskeiðið er haldið í tengslum við sýninguna Ásmundur Sveinsson: List fyrir fólkið í Ásmundarsafni. Leiðbeinandi er Sara Riel myndlistarmaður 

Þátttakendur þurfa að mæta í fötum sem mega skemmast og gott er að hafa smá hressingu meðferðis.

ATH: FULLBÓKAÐ ER Á NÁMSKEIÐIÐ.

Frístundavefurinn