Vefsmiðja fyrir fjölskyldur

Sunnudaginn 5. mars kl. 11.00 mun listamaðurinn Ingunn Fjóla Ingþórsdóttir leiða vefsmiðju fyrir börn og fjölskyldur í tenglsum við sýningu Hildar Hákonardóttur, Rauður þráður á Kjarvalsstöðum.

Hver og ein fjölskylda fær tækifæri til að vinna saman að veflistaverki.

Dagskráin er miðuð að því að börn komi í fylgd fullorðinna og að heimsóknin sé þannig skemmtileg og skapandi samvera milli kynslóða.

Frítt fyrir börn yngri en 18 ára.