Steina Vasulka

Á sýningunni er tónlist á fjölskjám - Vídeo innsetningar eftir Steinu Vasulka. Í sýningarskrá er upplýst að á síðastliðnum áratugum hafi myndbandið eða videolistin öðlast viðurkenningu sem listrænn miðill til jafns við aðrar listgreinar.

Einn helsti frumkvöðull videolistarinnar er íslenska listakonan Steina Vasulka sem búsett hefur verið í Bandaríkjunum undanfarna áratugi. Steina (Steinunn) er fædd árið 1940 og nam í fyrstu tónfræði og fiðluleik. Hún hefur haldið fjölda einkasýninga á árunum 1971-96 og samsýninga á árunum 1988-94.