Guðrún Gunnarsdóttir

Guðrún Gunnarsdóttir er fyrir löngu orðin viðurkenndur listamaður. Undanfarna áratugi hefur list hennar þróast í gegnum hefðbundin form og efnistök veflistarinnar samtímis því að listakonan hefur lagt sig fram við að útvíkka landamæri listarinnar. Á þessari sýningu vefur listakonan skúlptúra í járn og virkjar rýmið sem umgjörð um verkin. Þetta eru fíngerð verk þar sem línan/þráðurinn leiðir listamanninn inn á áður ókannaðar slóðir.