Huginn Þór Arason and Andrea Maack: Kaflaskipti

Kaflaskipti, fyrsta samstarf Andreu Maack og Hugins Þórs Arasonar, byggir á myndlistarbakgrunni Andreu og vinnu hennar með ilm, og áhuga Hugins á umbreytingu á hlutverki sýningarrýmis. Sýningin hverfist um opna hugmynd um tímabils-herbergi ótilgreindrar framtíðar og sett fram sem safn af ilmum. Ilmarnir sem eru sérstaklega þróaðir fyrir sýninguna, eru lykt-túlkanir af lýsingum listamannanna á safni framtíðarinnar. Ilmarnir hafa ákvarðað grundvallaratriði innsetningarinnar sem er jafnframt skúlptúr og arkítektónískur rammi. Innsetningin undirstrikar um leið eiginleika ilms sem erfitt getur verið að henda reiður á. Hann er tímabundinn og ber með sér hverfult andrúmsloft.

Ólíkt hefðbundnu tímabils-herbergi, sem sýnir heildræna mynd af ákveðnum tíma og finna má í söfnum víða, þá er "tímabils-herbergi framtíðarinnar" ekki sett fram sem leiðbeinandi sýnishorn, heldur sem huglæg túlkun á gildismati og bragði annars tímabils. Sýningarsalurinn er svið þar sem áhorfendur geta komist í samband við ilmana og lauslegar syrpur þeirra huglægu túlkana sem leitt hafa að þróun þeirra og framsetningu.

Sýningin er hluti af Listahátíð í Reykjavík 2013.