Marha Schwartz: I Hate nature / "Aluminati"

Hin risavaxna innsetning innsetning Martha Schwartz í garði Kjarvalsstaða skírskotar í senn til sýningarinnar Ægifegurðar og upplifunar listamannsins á náttúrunni og umræðunni um nýtingu og verndun náttúrunnar. Innsetningin samanstendur af svartmáluðum kassalaga skála á hæð við Kjarvalsstaði. Inn í skálanum er margstrent áli klætt yfirborð sem endurvarpar dagsljósinu og margfaldar birtuna. Þröngir gangar liggja inn í skálann, þar sem gestir geta séð geislaspilið þegar ljósið brotnar á yfirborðinu.

Martha Schwartz er landslagsarkitekt og myndlistarmaður sem leggur áherslu á verkefni sem fást við borgarumhveri og þróun nýrrar sýnar í hönnun í landslagi. Hún hefur menntun bæði á svið myndlistar og landslagarkitektúrs og leiðir eigin teiknistofu í Cambridge, Massachusetts og London, þar sem lögð er áhersla á verkefni sem færa úrlausnir hönnunar nær myndlist. Hún hefur meira en 25 ára reynslu sem landslagarkitekt og myndlistarmaður og hefur fengist við fjölbreytt verkefni með mörgum heimsþekktum arkitektum. Martha Schwartz hefur hlotið verðlaun og viðurkenningar fyrir störf sín. Hún er prófessor í landslagsarkitektúr við Harvard háskóla og hefur haldið fyrirlestra víða um heim. Á meðal nýlegra verka hennar eru Mesa listamiðstöðin í Arizona, einkaheimili Sheikh Saud Al-Thani í Qatar og verslunarmiðstöð í Frankfurt auk fjölmargra verkefna í Ástralíu, Ítalíu, Kína og Bretlandi.

Innsetningin var gerð í tilefni Listahátíðar í Reykjavík og 30 ára afmælis Félags Íslenskra Landslagsarkitekta. Aðalstyrktaraðilar eru Ingibjörg Kristjánsdóttir landslagsarkitekt og eiginmaður hennar Ólafur Ólafsson.