Reykjavík og list Ásmundar Sveinssonar

Reykvískt borgarlandslag hefur mikið breyst frá því að Ásmundur kom fyrst til Reykjavíkur árið 1915. Hefur listamaðurinn Ásmundur lagt þar til drjúgan skerf, m.a. með listasafni sínu sem hann ánafnaði Reykjavíkur borg eftir sinn dag og nú er, ásamt styttunum í borginni, eign allra borgarbúa.  Í tilefni af 200 ára afmæli Reykjavíkur hefur stjórn Ásmundarsafns samþykkt að efna til sýningar sem ber yfirskriftina "Reykjavík og list Ásmundar Sveinssonar".