Ókeypis námskeið í líkanagerð fyrir 9–12 ára

Listasafn Reykjavíkur býður upp á námskeið í líkanagerð fyrir 9–12 ára börn. Á námskeiðinu læra þátttakendur að búa til líkön og fá innsýn í vinnuferli Katrínar Sigurðardóttir frá hugmynd til listaverks.

Námskeiðið er haldið í tengslum við sýninguna Katrín Sigurðardóttur: Horft inní hvítan kassa – skúlptúrar og módel. Á sýningunni eru verk eftir Katrínu sem nýlega hafa bæst í safneign Listasafns Reykjavíkur, auk líkana af verkum sem reist hafa verið á sýningarstöðum víða um heim.

Leiðbeinandi á námskeiðinu er Hildur Steinþórsdóttir arkitekt.

Þátttaka er ókeypis og ekki þarf að skrá sig á námskeiðið.

Ljósmynd: Berghildur Erla Bernharðsdóttir