American Odyssey

Sýningin Mary Ellen Mark: American Odyssey á Listahátíð í Reykjavík 2002 er samvinnuverkefni tveggja menningarstofnana Reykjavíkurborgar, Ljósmyndasafns Reykjavíkur og Listasafns Reykjavíkur. Með sýningunni gefst borgarbúum og gestum Listahátíðar gullið tækifæri til að sjá brot af verkum listakonunnar Mary Ellen Mark.

Hún hefur um áratuga skeið verið talin einn merkasti ljósmyndari heims og  spanna myndirnar á sýningunni meira en þriggja áratuga feril listakonunnar.  Það er fagnaðarefni að geta boðið upp á sýningu sem þessa á Listahátíð í Reykjavík 2002. Það er von okkar að í framtíðinni geti samvinna stofnanna orðið til þess að hægt verði að bjóða listunnendum upp á fjölbreyttar og ríkulegar sýningar á ýmsu af því besta, sem er að gerast á sviði ljósmyndunar í heiminum.