Dale Chihuly

Chihuly á Íslandi - Form úr eldi. Bandaríski glerlistamaðurinn Dale Chihuly þykir einn sá fremsti á sínu sviði í heiminum í dag. Chihuly byggir á mjög fjölbreyttum möguleikum glers til að skapa umfangsmikil höggmyndaverk og innsetningar.

Chihuly tengir gjarnan saman náttúruna og verk sín, en vinnur einnig mikið út frá sýningarstað og sögu. Um þessar mundir stendur yfir viðamikil sýning á höggmyndum hans í Davíðsturni í gamla hluta Jerúsalem þar sem hann tengir saman þessar fornfrægu byggingar og margbrotin höggmyndaverk úr gleri.