Eyvindur Mohr

Félagið Myndkynning stendur fyrir sýningu á 19 verkum eftir færeyska listamanninn Eyvind Mohr. Eyvindur Mohr er sjálflærður dugnaðarforkur sem hóf alvarlega listsköpun fyrir rúmum áratug, en hefur síðan numið við Rómarakademíuna, hlotið dvalarstyrk Ingiríðar drottningar og sýnt víða um Norðurlönd, m.a. hér í Norræna húsinu. Hæfileikar Eyvindar, seigla og trú á heimalandi sínu ættu að nægja honum til frambúðar.