Iceland Crucible

Í salarkynnum Kjarvalsstaða eru sýndar um 330 ljósmyndir af 170 íslenskum listamönnum úr öllum greinum eftir heimskunnan ljósmyndara, Vladimir Sichov. Hann starfar að staðaldri fyrir ýmis helstu myndskreytt viku- og mánaðarrit austan hafs og vestan, svo sem Paris Match, Stern, Life, People, Vogue og Esquire og hefur fengið fleiri myndir birtar en nokkur annar ljósmyndari í heiminum á síðustu sex árum. Sýningin á Kjarvalsstöðum er stærsta, fjölbreyttasta og listrænasta mannamyndasýning sem nokkru sinni hefur verið efnt til hérlendis.