Reykjavík í myndlist

Samsýning 33 myndlistarmanna. Á sýningu þessari eru hlið við hlið verk þekktra listmálara og annarra sem minna eru kunnir. Þetta er ekki yfirlitssýning og sakna menn því vafalaust margra góðra málara. Á hinn bóginn er óvíst að þess hafi áður verið kostur að skoða svo vel á einum stað þverskurð af því sem er að gerast í myndlist í Reykjavík. Með sýningunni vill borgin styrkja þann myndlistargróður, háan og lágan, sem hér vex.